Ur plac’hig a zo marlonk evel ur silienn-vor a dec’h ganti un asiedad leun-barr gant boued lipous. Kaset gant he lontegezh e tegouezh
en ul lec’h pell diouzh ti he mammig, ha dañjerus-kenañ.
Tag: radio
Atersadenn Gwenn Meynier : Anaoudegezh an dremm
Teknologiezhoù nevez ‘zo a c’hell bezañ efedus ha talvoudus, ha reoù all a c’hell bezañ nac’hus pe dañjerus zoken. Gwenn Meynier, 
prezidant ar gevredigezh An Drouizig hag a-youl vat evit Radio Naoned a zo ‘vont da zisplegañ deomp peseurt teknik a vez implijet evit anavezout dremm an dud gant ur c’hamera da skouer. E-kerzh an enkadenn yec’hed, embregerezhioù ispisializet war an teknologiezhoù evit anavezout an dremmoù a zo bet lakaet diaes gant ar fed ‘veze lakaet ur maskl gant an dud abalamour d’ar c’hovid. An algoritmoù ne blij ket kalz dezho ar maskloù hag eo gwashoc’h c’hoazh gant al livaj dremm.
An amprevaned torr-revr
Léo Gefard-Michel a ra eus ar strollad tud en deus krouet ar GAEC ti-feurm « La Terre Ferme » staliet e kumun Skouvlant (La 
Regrippière) e-tal kichen Gwaled.
Goude bezañ desket petra oa perzhioù mat ha perzhioù fall an amprevaned war ul louzaoueg legumaj, Léo a zispleg deomp penaos gwareziñ al legumaj ouzh an amprevaned torr-revr.
Ribines records : TY KEV
A-orin eus Kerne Izel e krog gant ar miksañ e penn-kentañ ar bloavezhioù 2000 e Breizh dreist-holl.
D’ar mare-se e son er sound system « Arlek’1 » war un dro gant Epsylon, Korrils, 716 hag all.
Degouezhet e Naoned pemp bloaz’zo ec’h emezel d’ar strollad « Assaillants du rail ».
Troet d’an tekno ha d’an Acid Tekno e deroù e vuhez evel dj, mont a ra war-zu an tek house hag ar funk house ar mare-mañ.
Un tamm groove ha dance floor graet gantañ evit an arvesterien … Da lakaat anezho da zañsal ‘pad pell hag evit e blijadur dezhañ.
