Ur wezh e oa ur yarig vihan ruz… Ha piv n’en deus biskoazh klevet gerioù kentañ ar sorbienn-se ? Lavaret eo gant Valérie, hag Annie 
a lavaro ur sorbienn mil anavezet all hag a blij kement d’ar vugale : “roul galetezenn”… Da echuiñ e vo selaouet ouzh ur sorbienn dianav eus Bro-Iwerzhon : “Ar wastell hud”. Dianav ?! Selaouit mat…
Ar paotr lesanvet Porcarol zo bet ret dezhañ ober a bep seurt micherioù, ha redek dre ar bed. Troc’het eo bet e benn dezhañ zoken. 
Met talvezout a rae ar boan.
Ur gronikenn kinniget bep Yaou gant Liza Jakez-Vargas.
“Penn-kil-ha-troad” ar gronikenn gant ur penn hag ul lost ! Deskit geriaoueg lies ha dic’hortoz savet diwar lodennoù ar c’horf gant un heuliad sizhuniek.
Notenn : Puilh eo an niver a droioù-lavar ha keñveriadennoù liammet ouzh ar c’horf e brezhoneg. Ne oa ket plas evit lakaat anezho holl er gronikenn siwazh ! Bezit fri-furch ha digorit ho keriadurioù muiañ-karet neuze !
BIZ / BIZIED
Ar pemp biz :
ar biz-meud
ar biz-yod/liper
ar biz-bras/kreiz
ar biz-gwalenn/bizoù/kalon/magerez
ar biz-bihan
Biz warn-ugent : anv a roer d’ar c’halc’h
Bizied gant an traoù : ar gwiniegi, horolajoù (evit diskouez an eur), eurieroù (memes tra), ferc’hier, rastelloù, heskennoù
Bizied al loened : gant ar c’hranked
Bezañ e vizied kamm ouzh e veud : bezañ pizh-tre
Bezañ kaset d’ar gêr gant e viz-bihan : bezañ kaset d’e blas en-dro.
Bizaouier : den a ra pe a werzh bravigoù
Bizek : unan bennak gant bizied bras pe un ostilh bennak gant dent
Biziad : poan-viz
Biziata : c’hoari gant e vizied, biziata ur binioù da skouer
Biz-ha-biz : evel pa zañser
Bizoù : gwalennoù
C’hoari bizig-ha-bizig : c’hoari hep goulenn arc’hant
C’hoari biz-meud : gortoz bezañ tapet gant ur c’harr digoust
C’hoari ar biz mezv : c’hoari boeson
Gouzout dreist-penn-biz : gouzout un dra bennak dre an eñvor, mat-kenañ
Gouzout e pe viz emañ an drein : chom hep gouzout petra hor bez c’hoant
Kammañ e vizied : laerezh
«Ken […] ken ma verv ar gwad em biz-bihan» : fulor-ruz
«Ken gwir ha ma’z eus pemp biz war ma dorn !» : gwir 100%
Kouezhañ e viz(ig) en e zorn : bezañ dipitet
Lienañ ar biz kontroll : faziañ
Lipat e viz e ti unan all : mont da skoatiñ e ti unan bennak evel un teureug
Meudad : muzul gant ar biz-meud
Ober biz :ober kentel da unan bennak, gourdrouz
Reiñ biz : harpañ unan bennak muioc’h evit unan all
Skaotañ/Poazhañ e viz : faziañ groñs
Adkroget ganti, an abadenn gant Radio Kerne ha Radio Naoned.
Arzhur Thouvenin : ur film savet gantañ hag e genseurt François Langlais diwar-benn ar Jiletennoù Melen e Sant-Nazer. (Imagine demain on gagne setu anv ar film).
Marc Perrot eus ar strollad Robin an Toennoù, un nijal diwar-benn an dud a stourm a-enep ar 5G
Trefina Kerrain eus an UDB diwar-benn an dilennadegoù rannvro e 2021
Kronikennoù : David Le Bourhis (Gweladenn Belfast) ha Padrig Renaudineau (ar Phishing).
Keleier gant Erwan Blanchard.
