Marianne Vaidie – Page 14

Atersadenn Brendan hag Ewan : Foar ar vabigouriezh e Kernitron-al-Lann

A-benn disul e kinnigo Kuzul skoazell Diwan Kernitron-al-Lann foar ar vabigouriezh. An darvoud-se zo daou bal anezhañ dastum un tamm arc’hant evit ar raktres skol ha daremprediñ gant tud o deus bugale yaouank.
Mathieu Rouby zo o teskin brezhoneg gant Skol an Emsav, ar sizhun-mañ emañ e staj e Radio Naoned. Asambles gant Marianne Vaidie o deus aterset Brendan Guillouzic-Gouret hag Ewan Thebaud int-o-daou perzh eus ar c’huzul skoazell.
Ar baotred a lâr deomp hiroc’h diwar-benn ar foar ha stad ar raktres digeriñ ur skol Diwan e Kernitron al lann.

Evit goût hiroc’h : https://www.facebook.com/events/1252638701613241/

Pellgargañ

Atersadenn Odile ha Danielle : Ar bodadoù lenn e KDSK

Bep daou viz e vez aozet ur bodad-lenn gant brezhonegerien ha brezhonegerezed a Vro-Naoned e mediaoueg KDSK (Kreizenn Dafar Sevenadurel Keltiek).
Lenn muioc’h a levrioù e brezhoneg, diskoachañ levrioù pe diskoachañ en-dro levrioù ‘zo, eskemm gant an dud diwar-benn al levr-mañ-levr setu ar pezh a vez graet er bodad-lenn.
Odile Raynaudon-Kerzhero ha Danielle Padel a zo deuet betek studio Radio Naoned evit kontañ hiroc’h deomp.

KDSK : http://www.kdsk.bzh:8080/

Pellgargañ

Atersadenn Anjela Ilias : Ortofonourez en APAJH 44

Anjela Ilias ‘zo ur plac’h yaouank o chom e Naoned abaoe ur pennadig dija !
Ortofonourez eo hi er gevredigezh APAJH 44 (Association pour Adultes et Jeunes Handicapés de Loire-Atlantique) hag a sikour an dud nammet en o buhez pemdeziek. Anjela a ra war-dro ar vugale pe ar grennarded dreist-holl gant strafuilhoù a bep seurt. Abaoe pell e ouie Anjela war peseurt micher e felle dezhi mont. Goude he studioù en ur skol ortofonourez e Naoned eo bet o labourat e Bro-Vartinik evel ortofonourez a vicher frank.

Pellgargañ

Atersadenn Brieg Gerveno : Ur sonadeg e Kastell Duged Breizh

‘VEL MA VIN setu anv pladenn nevez Brieg Guerveno deuet maez d’ar 24 a viz Genver. Ur bladenn dic’hortoz an hini eo.
Boaz omp da selaou rock / Metal gantañ… Met dibaoe e bladenn ziwezhañ Valgori deuet maez e 2016 ‘neus bet tro Brieg Guerveno da labourat war a bep seurt traoù ha da gemer e amzer evit kinnig deomp ur bladenn eus ar c’hentañ, troet war-zu ar folk ar wech-mañ.
Evit gouel mouezhioù Breizh e Naoned e tremenet Brieg Guerveno e Kastell Duked Breizh evit e sonadeg gentañ.
Dirak ur sal leun-chouk ‘neus kinniget deomp ur sonadeg vrav spontus gant e “quatuor”; Bahia El Bacha er violoñsel, Stephane Kerihuel gant ar gitar tredan ha Camille Goellaen er c’hlavier.