Atersadenn Lukaz ha Gweltaz : ur staj rap gant tredeidi·adezed skolaj Diwan Liger-Atlantel

Tredeidi ha tredeadezed skolaj Diwan Sant-Ervlan o deus bet ar chañs da gemer perzh en ur staj rap kaset da benn gant Lukaz Nedeleg ha Gweltaz Foulon.
Tri frantad o deus bet evit skrivañ ar paozioù ha krouiñ ar sonerezh.
Enrollet o deus disoc’h o labour e studio Radio Naoned.
Klevout a rimp Yuna hag Appoline, skolajiadezed e klas trede ha Lukaz Nedeleg ha Gweltaz Foulon o deus graet war-dro luskañ ar staj.
Ma fell deoc’h kinnig stajoù rap kit e darempred gant Strollad La Obra : http://laobrabzh.blogspot.com/
Pe dre Facebook : https://www.facebook.com/Strolladlaobra

 

Pellgargañ an abadenn

Studierien·ezed VS KOVID 19

Gouzout a reomp mat, an enkadenn yec’hed a zo diaes d’an holl, diaes eo c’hoazh kaout en-dro ur vuhez normal ha n’eo cheñcho ket diouzhtu, se zo sklaer.
Komzomp un tamm deus ar studierien hag ar studierezed, meur anezho o deus ar santimant da vezañ laosket a-gostez gant ar gouarnamant.
Penaos dont a-benn gant o studioù pa vez serret ar skolioù-veur.
Dre ma eo serret ar pretioù hag an tavarnioù ‘neus ket moaien dezho labourat, evit lod anezho neuze diaes eo a-fed argant evit paeañ ul lojeiz e fin ar miz … Penaos labourat en un doare seder neuze pa vez seurt kudennoù ankenius.
Jean a zo bet studier e Skol-Veur Roazhon 2 hag ezel deus an USB – Unvaniezh ar studierien ha studierezed Breizh a zo bremañ o studial ar sokiologouriezh e skol-veur Tolosa a vo klevet diouzhtu ouzh mikro Marianne Vaidie.

Pellgargañ

Arvar Fanzine

An Arvar Fanzine a zo ur Fanzine diwar-benn ar sonerezh tost deus ar sevenadur Skin / Reggae / Punk dreist-holl.
Snoopy Snoop a zo a-dreñv ar Fanzine met n’emañ ket e-unan evel-just, e c’hoar hag e dad a gemer perzh ivez. Ur bern rubrikoù a vez kavet e-barzh, atersadennoù, kronikoù, rekipeoù pe c’hoazh Fotonovela da skouer.
Ouzhpenn da-se, ar Fanzine a zo skrivet e divyezhek – Brezhoneg/Galleg –

 

 

 

Pellgargañ

Ribines Records : Zevk Ka

Naonedadez, Zevka a grog gant ar miks er bloavezhioù 2000.
Sot gant ar groove, deus ar beats flour betek ar beats lemm, profañ a ra d’he fublik un dibab deus ar c’hentañ pinvidik ha personel da vat, o cheñch atav.
Emskiant deus ar sonerezh, deus ar fromadennoù, lakaat a raio ho kalon da lammat fonnusoc’h-fonnusañ rak plij’ a ra dezhi c’hoari gant ar boudennoù.
Arnodiñ a ra bepred ar stiloù sonerezh en ur implij ar sonerezh elektro, House, Afro Beat pe c’hoazh an tekno… Evit kontañ deoc’h hec’h istor evit un arnod sonerezh dancefloor da vat. Diaes e vo deoc’h lakaat un anv d’he stil sonerezh, kelaouet oc’h !

 

 

 

Pellgargañ an abadenn