Léo Gefard-Michel a ra eus ar strollad tud en deus krouet ar GAEC ti-feurm « La Terre Ferme » staliet e kumun Skouvlant (La 
Regrippière) e-tal kichen Gwaled.
Goude bezañ desket petra oa perzhioù mat ha perzhioù fall an amprevaned war ul louzaoueg legumaj, Léo a zispleg deomp penaos gwareziñ al legumaj ouzh an amprevaned torr-revr.
A-orin eus Kerne Izel e krog gant ar miksañ e penn-kentañ ar bloavezhioù 2000 e Breizh dreist-holl.
D’ar mare-se e son er sound system « Arlek’1 » war un dro gant Epsylon, Korrils, 716 hag all.
Degouezhet e Naoned pemp bloaz’zo ec’h emezel d’ar strollad « Assaillants du rail ».
Troet d’an tekno ha d’an Acid Tekno e deroù e vuhez evel dj, mont a ra war-zu an tek house hag ar funk house ar mare-mañ.
Un tamm groove ha dance floor graet gantañ evit an arvesterien … Da lakaat anezho da zañsal ‘pad pell hag evit e blijadur dezhañ.
Aozet e vez kleuboù liesseurt e Skolaj Diwan 44 evit ar c’hlasadoù 6vet ha 5vet. Ar bloaz-mañ, hag evit ar wech kentañ, ez eus bet kinniget dezho sevel un abadenn radio ! Unan wir, gant atersadennoù, tabutoù, c’hoarioù, sonerezh, ar meteo, “jingleioù”, … Ijinet, skrivet hag enrollet eo bet pep tra gant ar skolajidi hag ar skolajiadezed. Frammet eo bet gant o c’hasourien, a-drugarez da alioù fur Marianne. Distoufit ho tivskouarn !!
En abadenn gentañ e vo klevet :
– Un tabut war an dic’hoadañ gant Bleuenn C., Dounia, Liam, Tudual ha Morgan
– Ar meteo gant Yul, Laouen ha Fleur-Lou
– Atersadennoù diwar-benn ar c’hovid er skolioù gant Rafaelle ha Maiwenn
– Sketch farsus Ewen ha Milan
– Ur c’hoari war an Istor gant Youenn ha Loig
– Atersadennoù war ar vicher levraoueger.ez gant Yuna, Maelenn ha Laia
– Ur gronikenn diwar-benn AC/DC gant Louis
– Ur c’hoari war ar geografiezh gant Noah. Ar jingle ‘zo bet savet gant Lilou ha Tissem, an tonioù sonerezh a zo kinniget gant Louis hag ar bruderezhioù ‘zo bet ijinet gant Bleuenn D.G., Mirra ha Lou-Ann.
En eil abadenn e vo klevet :
– Un tabut war an heskinerezh reizhel gant Bleuenn C., Dounia, Liam, Tudual ha Morgan
– Ar c’heleier farsus gant Yuzael ha Gwezenn – Atersadennoù diwar-benn dinell ar skolaj gant Jeanne ha Lilia
– Sketch farsus Gwendal
– Mikro-riblen Maïwenn ha Lili
– C’hoari war an trouzioù Camille ha Lila
– Atersadenn un ijinour war an endro gant Tafaenn ha Gwendal
– Sketch farsus Tudeg hag Elouan
Ar jingle ‘zo bet savet gant Lilou ha Tissem, an tonioù sonerezh a zo kinniget gant Tudeg ha Maiwenn hag ar bruderezhioù a zo bet ijinet gant Bleuenn D.G., Mirra ha Lou-Ann.
“Ce qui est sur” setu anv filmig kentañ Manon Renault.
Un istor mignoniezh etre div blac’hig lakaet war-wel gant ar sevenourez.
Daria Aoustin a oa e staj e Radio Naoned c’hoant he deus bet da c’houzout un tamm hiroc’h diwar-benn Manon Renault, he film hag he liamm gant ar sinema.
Dre m’eo bet kaset ar filmig d’ar festivalioù, n’eus ket moaien kavout ar film war an internet met ma fell deoc’h sellet ouzh ar filmig, kit e darempred gant Radio Naoned hag e vo kaset deoc’h ul liamm prevez.
radio@radionaoned.bzh
