Digwener ha disadorn en doa Radio Kerne staliet e studio e Sant Ervlan da geñver dorioù digor ar greizenn Yezhoù ha Sevenadur. Ur greizenn da zegemer al lodenn vrasañ eus ar c’hevredigezhioù a labour e brezhoneg e meurgêr Naoned, ur greizenn da vodañ ar vrezhonegerien, da laka ‘nezho da zeskiñ e brezhoneg e vagouri, er skol, er skolaj, da zeskiñ ar brezhoneg e Skol an Emsav, e kentelioù an Noz, da lenn e brezhoneg e levraoueg KDSK, ha da eskemm ha da vevañ en hor yezh en ul lec’h boutin.
Visant Roue deus Ofis publik ar brezhoneg, Lena Louarn, eil brezidantez Rannvro Breizh en karg eus yezhoù Breizh, Pêr-Emmanuel Marais, kuzulier kêr ha meurgêr Naoned ha Tangi Manac’h, prezidant Yezhoù ha Sevenadur a zo bet aterset gant Morgane Bramoullé ha Tunvezh Wloaguen-Grandjean.
Teknik : Lou Millour
Daoulas 8/8 : Diaradenn
Kaspal Naouej
Diaradenn Daoulas, petra c’hoarvezo d’ar familh Even ha d’an dud tro-dro dezho ?
Gant :
Mestr Follig : Yann Dilasser
JR Even / Doue : Bertrand Thominiaux
Viviane Even : Francine Leon
Mik-Ael Even : Ronan Herve
Lucky : Anna Le Queau
Kaspal Naouej / Steevie : Mikela Le Louedig
Olga/Chester : Katell Leon
Daoulas 7/8 : kefridi mestr Follig
Loig Follig, noter eus e stad, en deus bec’h gant ar vuhez. Gwarizius-kenañ eo eus e hantervreur Job-Ronan Even. Gant ar bloavezhioù eo deuet da vezañ trenkoc’h-trenkañ. Sot eo gant ar seks hag un istor en deus gant Viviane Even zoken. Dre volontez JR ha hini Doue, un tamm, e cheñcho e blanedenn.
Daoulas 6/8 : kefridi Chester
Un arzour eo Chester. Ael ar Gouloù ! Un tamm distabil eo met ret eo ansav n’eo ket bet aes e hent. Disavet en Naoned gant Lulu, he mamm, a oa o terc’hel ostaleri e kae ar Faoz, en deus kredet a-viskoazh e oa mab ur maer brudet eus Naoned… Met Daoulas a cheñcho e vuhez hag e soñjoù da viken !
